Lokaumferðin í UEFA Futsal mótinu fór fram á þriðjudag
KBU France sigraði í riðlinum er kemst því áfram í keppninni
Keflvíkingar töpuðu lokaleik sínum í Evrópukeppninni í Futsal, 5-16 gegn hollenska liðinu Eindhoven. Eindhoven varð að vinna með átján marka mun til að komast áfram og liðið sótti hressilega að marki Keflvíkinga allan tímann. Staðan í hálfleik var 2-8.
Einn leikmaður Eindhoven fékk rautt spjald á lokamínútunum fyrir grófan leik, sparkaði leikmann Keflavíkur fólskulega niður.
Umgjörð mótsins var afar góð og eiga Keflvíkingar mikið hrós skilið fyrir sína frammistöðu í skipulagningunni. Fulltrúar UEFA hafa gefið mjög jákvæðar skýrslur um framkvæmdina á þessu fyrsta UEFA Futsal móti sem haldið er hér á landi.
Fyrri leik dagsins lauk með sigri KBU France gegn Vimmerby IF 18-2 og komust Frakkarnir áfram upp úr riðlinum.
Mörk Keflavíkur: Bojan Stefán Ljubicic, Magnús Sverrir Þorsteinsson, Guðmundur Steinarsson, Magnús Þór Magnússon og Arnór Ingvi Traustason.
Byrjunarlið Keflavíkur: Eyþór Ingi Júlíusson, Haraldur Freyr Guðmundsson, Guðmundur Steinarsson, Bojan Stefán Ljubicic og Magnús Sverrir Þorsteinsson fyrirliði.
Aðrir leikmenn sem allir komu við sögu í leiknum: Árni Freyr Ásgeirsson, Magnús Þór Magnússon, Viktor Smári Hafsteinsson, Arnór Ingvi Traustason, Theodór Halldórsson, Zoran Daníel Ljubicic og Lúkas Malesa.
Liðsstjórn: Willum Þór Þórsson, Þór Hinriksson, Jón Örvar Arason, Falur Helgi Daðason, Þórólfur Þorsteinsson og Björgvin Björgvinsson.
