Mótamál
UEFA Meistaradeild kvenna: Dregið í 32-liða úrslit í dag
Valur og Breiðablik eru í hattinum
Dregið verður í 32-liða úrslit Meistaradeildar kvenna í höfuðstöðvum UEFA í dag kl. 12:00. Í hattinum eru tvö íslensk lið, Valur og Breiðablik. Valur komst beint í 32-liða úrslit, en Breiðablik komst í gegnum undanriðil sem haldinn var hér á landi eins og kunnugt er.
Liðunum er skipt í tvo 16 liða flokka, skipt eftir styrkleika. Valur er í efri styrkleikaflokki og Breiðablik í þeim neðri. Óhætt er að segja að þarna séu öll sterkustu félagslið Evrópu í kvennaflokki.
