Mótamál
Breiðablik mætir Juvisy Essonne að nýju í 32-liða úrslitum
Valur leikur gegn Rayo Vallecano
Dregið hefur verið í 32-liða úrslit UEFA Meistaradeildar kvenna og voru tvö íslensk lið, Valur og Breiðablik á meðal liðanna þar. Íslandsmeistarar Vals drógust gegn spænska liðinu Rayo Vallecano de Madrid, en mótherjar Breiðabliks eru kunnuglegir, FCF Juvisy Essonne, því þessi lið voru saman í undanriðlinum sem fram fór hér á landi í águst, Viðureign þessara liða lauk með 3-3 jafntefli.
Fyrri leikirnir í 32-liða úrslitum fara fram 22/23 september og síðari leikirnir 13/14 október. Einnig var dregið um hvað lið mætast í 16-liða úrslitum. Komist Valur áfram verða mótherjarnir sigurvegararnir úr viðureign Masinac og Arsenal, en Breiðablik leikur gegn Zurich eða Torres ef liðið kemst áfram.
