Mikil spenna framundan í 3. deild karla og 1. deild kvenna
Síðari leikir í úrslitakeppni á þriðjudag og miðvikudag
Það er mikil spenna framundan í úrslitakeppni 3. deildar karla og 1. deildar kvenna. Síðari leikir í 8-liða úrslitum 3. deildar fara fram á þriðjudag og síðari leikir í undanúrslitum 1. deildar kvenna fara fram á miðvikudag, og þar er sæti í Pepsi-deildinni í húfi.
Fyrri leikirnir í 8-liða úrslitum 3. deildar karla voru allir nokkuð spennandi og útlit fyrir að niðurstaðan geti verið á hvorn veginn sem er í öllum viðureignunum, það er helst KFS sem þarf að sækja á brattann í leiknum gegn Árborg eftir 0-2 tap á heimavelli í fyrri leiknum.
ÍBV er í góðri stöðu eftir 4-0 sigur í Keflavík í undanúrslitum 1. deildar kvenna og er sæti í Pepsi-deild innan seilingar. Allt er í járnum í viðureign Þróttar og Selfoss, sem gerðu 1-1 jafntefli á Selfossvelli.
