Mótamál
UEFA bannar Vuvuzelas lúðra
Bannið tekur þegar gildi
UEFA hefur frá og með deginum í dag, bannað svokallaða „Vuvuzelas“ lúðra á öllum leikvöngum þar sem leikir á vegum UEFA fara fram. Á þetta bæði við um landsleiki sem og leiki félagsliða í Evrópukeppnum.
UEFA telur að þessir lúðrar eigi ekki við þá knattspyrnumenningu sem er við lýði í Evrópu. Er þar átt við söngva og hvatningarköll en hætta er á að slíkt láti í minni pokann fyrir þeim hávaða sem þessir lúðrar skapa.
UEFA tilkynnti þetta bann með bréfi til aðildarsambanda sinna í gær og tekur þetta bann gildi, strax.
