Mótamál
Grunnskólamóti KRR lokið
Haldið í samvinnu við KSÍ
Um nýliðna helgi lauk keppni í Grunnskólamóti KRR en þá fór fram keppni 10. bekkja karla og kvenna. Helgina á undan hafði verið keppt á milli 7. bekkja grunnskóla Reykjavíkur.
Fóru leikar þannig að Rimaskóli vann tvöfalt í keppni hjá 7. bekk. Strákarnir báru sigurorð af Langholtsskóla en stelpurnar lögðu Fossvogsskóla. Hjá 10. bekk léku sömu skólar í úrslitum bæði hjá strákum og stelpum. Þetta voru Árbæjarskóli og Réttarholtsskóli og höfðu strákarnir úr Árbænum betur í sinni viðureign en Réttarholtsskóli hafði sigur hjá stelpunum og þurfti vítaspyrnukeppni til.
