Mótamál
Víkingur og Þór leika í Pepsi-deild karla að ári
Njarðvík og Fjarðabyggð falla niður í 2. deild
Um helgina varð það ljóst að Víkingur Reykjavík og Þór Akureyri munu leika í Pepsi-deild karla að ári en lokaumferð 1. deildar fór fram síðastliðinn laugardag. Víkingar höfðu reyndar áður tryggt sér sæti í efstu deild en fengu afhentan titilinn á heimavelli eftir sigur gegn HK.
Mikil spenna var um annað sætið og stóð baráttan á milli Leiknis og Þórs. Það fór svo að lokum að Þórsarar tryggðu sér Pepsi-deildar sætið eftir sigur á Fjarðabyggð á meðan Leiknismenn töpuðu gegn Fjölni. Tap Fjarðabyggðar þýddi það að þeir fylgja Njarðvíkingum eftir niður í 2. deild. Sæti þeirra í 1. deildinni að ári taka Víkingur Ólafsvík og BÍ/Bolungarvík.
