Dóra María og Alfreð kosin best
Dagný Brynjarsdóttir og Kristinn Steindórsson efnilegustu leikmennirnir
Lokahóf knattspyrnufólks fyrir keppnistímabilið 2010 fór fram í gærkveldi á veitingastaðnum Broadway og tókst vel. Að venju voru veittar viðurkenningar til þeirra sem höfðu staðið fram úr á nýliðnu tímabili.
Þau Dóra María Lárusdóttir og Alfreð Finnbogason voru kosin bestu leikmenn Pepsi-deildanna á tímabilinu en það eru leikmenn sjálfir sem taka þátt í kosningunni. Þau koma frá Íslandsmeisturum Vals og Breiðabliks og það gerðu efnilegustu leikmennirnir líka, þau Dagný Brynjarsdóttir og Kristinn Steindórsson.
Bestu dómararnir voru kosin þau Guðrún Fema Ólafsdóttir í Pepsi-deild kvenna og Gunnar Jarl Jónsson í Pepsi-deild karla.
Stuðningsmenn ársins í Pepsi-deild kvenna komu frá Þór/KA en frá Selfossi í Pepsi-deild karla. Fengu stuðningsmannafélögin heilt bretti af Pepsi að launum.
Tvö félög voru prúðust í Pepsi-deild kvenna, Valur og Stjarnan en Breiðablik var prúðast í Pepsi-deild karla. Markverðirnir Sandra Sigurðardóttir, Stjörnunni og Fjalar Þorgeirsson, Fylki fengu prúðmennskuverðlaun leikmanna.
Þá fengu markahæstu leikmenn deildanna viðurkenningar. Kristín Ýr Bjarnadóttir úr Val var markahæst kvenna, Mateja Zver Þór/KA varð í öðru sæti og Björk Gunnarsdóttir úr Val í því þriðja. Giles Mbang Ondo Grindavík var markahæstur karlanna. Alfreð Finnbogason úr Breiðabliki varð annar og Atli Viðar Björnsson úr FH varð þriðji.
- María Björg Ágústsdóttir (Valur)
- Embla Sigríður Grétarsdóttir (Valur)
- Katrín Jónsdóttir (Valur)
- Thelma Björk Einarsdóttir (Valur)
- Lidija Stojkanovic (Fylkir)
- Katie McCoy (Stjarnan)
- Sara Björk Gunnarsdóttir (Breiðablik)
- Dóra María Lárusdóttir (Valur)
- Hallbera Guðný Gísladóttir (Valur)
- Rakel Logadóttir (Valur)
- Mateja Zver (Þór/KA)
Þjálfari ársins var Freyr Alexanderson úr Val
Lið ársins í Pepsi-deild karla var þannig skipað:
- Ingvar Kale (Breiðablik)
- James Hurst (ÍBV)
- Jón Guðni Fjóluson (Fram)
- Elfar Freyr Helgason (Breiðablik)
- Kristinn Jónsson (Breiðablik)
- Baldur Sigurðsson (KR)
- Jökull Elísabetarson (Breiðablik)
- Ólafur Páll Snorrason (FH)
- Kristinn Steindórsson (Breiðablik)
- Atli Viðar Björnsson (FH)
- Alfreð Finnbogason (Breiðablik)
Þjálfari ársins var Ólafur Kristjánsson úr Breiðabliki
