Íslensk knattspyrna 2004

Árbókin Íslensk knattspyrna 2004 er komin út, en þetta er 24. bókin í þessum flokki sem hóf göngu sína árið 1981. Höfundur bókarinnar er Víðir Sigurðsson, íþróttafréttamaður á Morgunblaðinu. Fjallað er ítarlega um hverja umferð fyrir sig í tveimur efstu deildum karla og efstu deild kvenna, og um Íslandsmótið í öllum deildum og flokkum, bikarkeppnina, deildabikarinn, Reykjavíkurmótið, Íslandsmótið innanhúss og utandeildina. Landsleikjum ársins 2004 í öllum aldursflokkum eru gerð góð skil, sem og Evrópuleikjum félagsliða, og þá er fjallað sérstaklega um atvinnumennina erlendis, dómarana og margt fleira. Bókin er 208 blaðsíður og þar af eru 48 síður í lit. Myndir í bókinni eru 297 talsins, þar af 79 litmyndir, og meðal annars myndir af meistaraliðum í öllum deildum og flokkum Íslandsmótsins og bikarkeppninni. Í bókinni að finna úrslit í öllum leikjum í KSÍ-mótum í öllum aldursflokkum á árinu 2004.

Það er Bókaútgáfan Tindur á Ólafsfirði sem gefur út bókina í annað sinn.