Mótamál
Úrslitaleikur 1. deildar kvenna og undanúrslit 3. deildar karla
FH og Selfoss mætast í úrslitaleik 1. deildar kvenna á Kaplakrikavelli
Laugardaginn 3. september fer fram úrslitaleikur 1. deildar kvenna þegar FH og Selfoss mætast á Kaplakrikavelli. Leikurinn hefst kl. 17:00 en bæði þessi félög hafa tryggt sér sæti í Pepsi-deild kvenna að ári en etja nú kappi um sigurlaunin í 1. deildinni.
Sama dag fara einnig fram fyrri leikir undanúrslita 3. deildar karla. Þar mætast KV og Magni á KR velli kl. 12:00 og svo KFR og KB á Hvolsvelli kl. 17:00. Síðari leikir liðanna verða á þriðjudaginn en sigurvegarar viðureignanna tryggja sér sæti í 2. deild að ári.
