Mótamál
Ferðakostnaður knattspyrnuliða
Mikil umræða var um ferðakostnað knattspyrnuliða á ársþingi KSÍ. Ljóst er að ferðakostnaður er stór hluti útgjalda hjá mörgum félögum, sérstaklega á landsbyggðinni. Ferðakostnaður íþróttafélaga hefur verið til umræðu á Alþingi og er það von íþróttahreyfingarinnar að þetta mikilvæga mál hljóti jákvæða afgreiðslu. Í lok ársþings KSÍ var samþykkt svohljóðandi ályktun sem send hefur verið til Alþingis:
"57. ársþing KSÍ haldið á Hótel Loftleiðum 8. febrúar 2003 hvetur þingmenn landsins til að hraða meðferð tillögu um ferðajöfnunarsjóð íþróttafélaga í gegnum nefndir alþingis og koma með niðurstöðu í þessu máli fyrir þinglok vorið 2003."
