Mótamál
Meistaradeild kvenna - Valur tekur á móti Glasgow á Vodafonevellinum
Þór/KA leikur í kvöld gegn Potsdam í Þýskalandi
Íslensku liðin í Meistaradeild kvenna eru í eldlínunni en Þór/KA mætir þýska liðinu Potsdam í kvöld ytra. Þetta er síðari leikur félaganna í 32. liða úrslitum en Potsdam hafði betur í leiknum á Akureyri, 6 - 0. Það verður því erfiður róður hjá norðanstúlkum í kvöld enda þýska liðið eitt það allra sterkasta í Evrópu.
Valur tekur á móti FC Glasgow á morgun, fimmtudaginn 6. október. Leikurinn fer fram á Vodafonevellinum og hefst kl. 16:00. Þarna verður hart barist en fyrri leik liðanna lauk með jafntefli, 1 - 1. Valsstelpur eiga því ágæta möguleika á því að komast áfram og með góðum stuðningi áhorfenda, aukast þeir möguleikar.
Sigurvegarar þessara viðureigna mætast svo í næstu umferð, 16 liða úrslitum.
