Þátttökutilkynningar í Íslandsmótið innanhúss 2012
Þátttökufrestur til 14. október
Þátttökutilkynningar fyrir Íslandsmótið í innanhússknattspyrnu - Futsal hafa verið sendar út til félaganna. Þátttökufrestur er til 14. október en félög eru beðin um að vera tímanlega í að tillkynna þátttöku til að flýta fyrir vinnu við niðurröðun.
Mótafyrirkomulag meistaraflokka
Í meistaraflokkum verður leikið með sama fyrirkomulagi og undanfarin ár, þ.e. að leikin verður svæðisbundin riðlakeppni með úrslitakeppni á eftir. Riðlakeppni hefst 10. nóvember. Úrslitakeppnin fer fram dagana 6. – 8. janúar.
Með þátttökutilkynningu í meistaraflokki skal fylgja með hvar heimaleikir viðkomandi félags fara fram í riðlakeppninni.
Ef félög eru í vandræðum með að fá keppnishús í meistaraflokki, mun KSÍ gera sitt ítrasta til að aðstoða viðkomandi félög til að fá tíma í húsi á bestu mögulegu kjörum
Fyrirkomulag móta yngri flokka
Fyrirkomulag móta í yngri flokkum verður svipað og undanfarin ár, þ.e. leikið er í hraðmótum og er keppni tvískipt í forkeppni sem félögin hafa umsjón með og úrslitakeppni.
Sú breyting hefur verið gerð að KSÍ hefur ákveðið leikdaga fyrir riðlakeppni einstakra aldursflokka og úrslitakeppni mótsins (sjá hér að neðan).
Staðsetningar á einstökum úrslitakeppnum verða ákveðnar síðar. Leikstaðir í úrslitakeppni eru ekki bundnir við höfuðborgarsvæðið. Félög sem óska eftir að taka að sér úrslitakeppni eru vinsamlegst beðin sækja um það á meðfylgjandi blaði. Úrslitakeppnir fara fram helgina 4. – 5. febrúar og 18. – 19. febrúar.
Nánari upplýsingar veitir Þorvaldur Ingimundarson (thorvaldur@ksi), sími 510-2903.
Leikdagar
- 2.fl.karla. 27. - 30. des.
- 2.fl.kvenna. 17.- 18. des
- 3.fl.karla. 14. - 15. jan
- 3.fl.kvenna 7.- 8. jan
- 4.fl.karla. 7. - 8. jan
- 4.fl.kvenna. 14. - 15. jan
- 5.fl.karla 21. – 22. jan
- 5.fl.kvenna 21. – 22. jan.
Við sérstakar aðstæður er hægt að leika á öðrum leikdögum að höfðu samráði við KSÍ.
