Gunnhildur Yrsa og Hannes valin bestu leikmennirnir

Verðlaunaafhending fyrir keppnistímabilið 2011 fór fram í dag

20.10.2011

Í dag voru afhentar viðurkenningar fyrir keppnistímabilið 2011 og fór athöfnin fram í höfuðstöðvum KSÍ.  Afhent voru þau verðlaun sem að öllu jöfnu voru afhent á lokahófi leikmanna, en slíkt lokahóf fór ekki fram í ár.

Þau Gunnhildur Yrsa Jónsdóttir úr Stjörnunni og Hannes Þór Halldórsson úr KR voru valin bestu leikmenn Pepsi-deildanna en það eru leikmenn sjálfir er velja.  Efnilegustu leikmennirnir voru valin þau Hildur Antonsdóttir úr Val og Þórarinn Ingi Valdimarsson úr ÍBV.  Þá var Valdimar Pálsson valinn besti dómari í Pepsi-deild kvenna en hjá körlunum var það Erlendur Eiríksson sem var valinn bestur.

Stuðningsmenn ársins komu frá Íslandsmeisturunum, Stjörnunni í Pepsi-deild kvenna og KR í Pepsi-deild karla. 

Prúðasta félagið í Pepsi-deild kvenna var ÍBV en tvö félög voru prúðust í Pepsi-deild karla, Valur og ÍBV.  Viðurkenningu fyrir heiðarlegu framkomu einstaklinga fengu þau Laufey Ólafsdóttir úr Val og Daníel Laxdal úr Stjörnunni.  Allir þessir aðilar fengu viðurkenningu frá Borgun og KSÍ.

Markahæstu leikmenn Pepsi-deildanna fengu verðlaun.  Í Pepsi-deild kvenna var Ashley Bares úr Stjörnunni markahæst, önnur varð Krístín Ýr Bjarnadóttir Val og Berglind Björg Þorvaldsdóttir ÍBV varð þriðja.  Hjá körlunum varð Garðar Jóhannsson úr Stjörnunni markahæstur, annar varð Atli Viðar Björnsson FH og Kjartan Henry Finnbogason úr KR varð þriðji.

Lið ársins í Pepsi-deild kvenna var þannig skipað:

Þjálfari ársins í Pepsi-deild kvenna: Þorlákur Árnason, Stjarnan

Lið ársins í Pepsi-deild karla var þannig skipað:

Þjálfari ársins í Pepsi-deild karla: Rúnar Kristinsson, KR