Ársþing

Tillögur á 70. ársþingi KSÍ

Verður haldið á Hilton Reykjavík Nordica, laugardaginn 13. febrúar

29.1.2016

Ársþing KSÍ, það 70. í röðinni verður haldið á Hilton Reykjavík Nordica, 13. febrúar næstkomandi.  Þingið verður sett kl. 10:30 að þessu sinni.  Sambandsaðilar eru beðnir um að kynna sér eftirfarandi upplýsingar og gögn:

1.         Tillögur

Hjálagt fylgja tillögur sem KSÍ hefur borist og teknar verða til afgreiðslu á ársþinginu. Tillögurnar eru sendar bæði til héraðssambanda og íþróttabandalaga sem og til allra félaga sem hafa verið þátttakendur í knattspyrnumótum á vegum KSÍ sl. ár. Þess er vænst að tillögunum sé komið sem fyrst til væntanlegra þingfulltrúa, þannig að þeir hafi tök á að kynna sér þær vel áður en á ársþing er komið.

7 Tillaga um breytingar á lögum KSÍ – Deildakeppni kvenna
8 Tillaga til ályktunar – Leikmannaskiptingar í 3. deild
9 Tillaga til ályktunar – Hlutgengi leikmanna
10 Tillaga til ályktunar – Eldri leikmenn í 3. flokki
11 Tillaga til ályktunar – Aga- og úrskurðarreglugerð
12 Tillaga til ályktunar – Aga-og úrskurðarmál
13 Tillaga til ályktunar – Áfrýjunardómstóll KSÍ
14 Tillaga til ályktunar – Knattspyrnuleikvangar
15 Tillaga til ályktunar – Viðræður við leikmenn
16 Tillaga til ályktunar – Viðræður við leikmenn
17 Tillaga til ályktunar – Skráningargjald félagaskipta
18 Tillaga til ályktunar – Viðurlög vegna viðræðna við leikmenn
19 Tillaga til ályktunar – Tímabundin félagskipti

2.         Kjörbréf

Hjálagt er kjörbréf til héraðssambanda og íþróttabandalaga og er þess óskað að þau verði fyllt út með nöfnum fulltrúa og varafulltrúa og afrit sent til KSÍ í síðasta lagi 10. febrúar nk. Óskað er eftir að allir aðilar tryggi að svo verði gert. Upplýsingar um fjölda fulltrúa fylgir og hjálagt.

Fjöldi þingfulltrúa 2016

3.         Dagskrá

Þingið verður sett kl. 10:30 laugardaginn 13. febrúar og gert er ráð fyrir að því ljúki um kl. 15:00 sama dag. Öllum þingfulltrúum er hér með boðið til sameiginlegs kvöldverðar og skemmtunar sem hefst kl. 19:00 í Hörpu.  Á undan verður boðið upp á fordrykk frá kl. 18:00 á sama stað. (Þingfulltrúum er boðið til kvöldverðar en félög geta keypt takmarkaðan fjölda miða fyrir fleiri gesti - hafið samband við Ragnheiði 510-2905, ragnheidur@ksi.is).

4.         Skuldir

Aðildarfélög fá sent yfirlit yfir fjárhagslega stöðu aðildarfélagsins gagnvart KSÍ miðað við 31. des. sl. Þau félög sem skulda eru beðin um að greiða skuldina eða semja um greiðslu hennar fyrir 9. febrúar nk. því eins og fram kemur í lögum KSÍ, geta þau félög sem skulda KSÍ ekki átt fulltrúa á ársþingi.




Ársþing




Aðildarfélög




Aðildarfélög