Ársþing

Hörður Magnússon hlýtur Fjölmiðlaverðlaun KSÍ 2016

Hörður Magnússon átti sjálfur glæsilegan feril sem knattspyrnumaður

9.2.2017

Hörður Magnússon hefur um áralangt skeið flutt fréttir sem tengjast knattspyrnu sem og lýst ógrynni leikja í beinni útsendingu og séð um markaþætti úr fótboltanum. 

Á undanförnum árum hefur umfang og fagmennska í kringum beinar útsendingar og markaþætti stóraukist og hefur Hörður átt stóran þátt í að auka veg og vanda fótboltans með óeigingjarnri vinnu sinni hjá 365-miðlum. Hörður átti sjálfur glæsilegan feril á knattspyrnuvellinum en hann lék á sínum tíma með FH og Val en í 264 leikjum skoraði hann 143 mörk. Hörður lék einnig 9 landsleiki fyrir Íslands hönd og skoraði þar eitt mark. 

Hörður hlýtur því Fjölmiðlaverðlaun KSÍ 2016.

Á myndinni má sjá Hörð taka við verðlaununum en Geir Þorsteinsson, formaður KSÍ, og Klara Bjartmarz, framkvæmdastjóri KSÍ, afhentu verðlaunin.





Ársþing




Aðildarfélög




Aðildarfélög