Ársþing

Knattspyrnuþing 2018

Haldið á Nordica, Reykjavík, laugardaginn 10. febrúar 2018

19.12.2017

72. ársþing KSÍ verður haldið á Hilton Reykjavík Nordica 10. febrúar 2018. Sambandsaðilar eru beðnir um að kynna sér eftirfarandi: 

1. Skuldir 

Aðilar sem vanrækja uppgjör á gjöldum sem greiða skal til KSÍ missa rétt til þingsetu. Þeim félögum sem skulda KSÍ er bent á að hafa tafarlaust samband við Bryndísi Einarsdóttur, fjármálastjóra KSÍ. 

2. Tillögur og málefni 

Tillögur og málefni þau er sambandsaðilar óska eftir að tekin verði fyrir á þingi skulu berast stjórn KSÍ minnst mánuði fyrir þing eða í síðasta lagi miðvikudaginn 10. janúar nk. Haukur Hinriksson lögfræðingur á skrifstofu KSÍ (haukur@ksi.is) veitir aðstoð við uppsetningu tillagna sé þess óskað. 

3. Gisting og flug 

Hilton Reykjavík Nordica býður þingfulltrúum og þinggestum gistingu sem hér greinir: 

Eins manns herbergi með morgunverði kr. 18.300.- pr. nótt 

Tveggja manna herbergi með morgunverði kr. 22.000.- pr. nótt 

Sambandsaðilar skulu sjálfir panta herbergi í síma 444-4000 og biðja um bókunardeild MICE eða á póstfang miceres@icehotels.is, þegar það er gert skal vísað til þess að það sé gert í tengslum við þingið. 

4. Dagskrá 

Þingið verður sett að kl. 11:00 laugardaginn 10. febrúar og er gert ráð fyrir að því ljúki um kl. 16:00 sama dag. KSÍ býður þingfulltrúum til sameiginlegs kvöldverðar eftir ársþingið. 

Nákvæm dagskrá verður send sambandsaðilum síðar. 

5. Fjöldi fulltrúa 

Hjálagður er listi yfir fjölda þingfulltrúa. Sambandsaðilar eru beðnir um að fara yfir listann og gera athugasemdir ef þörf krefur. 

Nánari upplýsingar um þingið og tillögur verða sendar til sambandsaðila í janúar, hálfum mánuði fyrir þing.

Fjöldi þingfulltrúa




Ársþing




Aðildarfélög




Aðildarfélög