Tvær breytingar frá leiknum við Þýskaland
Logi Ólafsson landsliðsþjálfari hefur tilkynnt byrjunarlið sitt gegn Úkraínu í dag. Hann gerði tvær breytingar á liðinu frá leiknum við Þýskaland í síðustu viku. Guðlaug Jónsdóttir kemur inn í stað Rakelar Logadóttur og Olga Færseth í stað Ásgerðar Ingibergsdóttur. Rósa J. Steinþórsdóttir, Val, er í leikbanni en hún fékk sitt annað gula spjald í leiknum gegn Þýskalandi á dögunum.
Markvörður: Þóra Helgadóttir.
Varnarmenn: Helga Ósk Hannesdóttir, Íris Sæmundsdóttir, Guðrún Gunnarsdóttir og Erla Hendriksdóttir.
Tengiliðir: Rakel Ögmundsdóttir, Katrín Jónsdóttir, Margrét Ólafsdóttir og Guðlaug Jónsdóttir.
Framherjar: Olga Færseth og Ásthildur Helgadóttir.
Varamenn: María B. Ágústsdóttir, Ásgerður Ingibergsdóttir, Laufey Ólafsdóttir, Elín S. Þorsteinsdóttir og Rakel Logadóttir.
Fari íslenska liðið með sigur af hólmi mætir það Englendingum í aukakeppni um sæti í úrslitum Evrópukeppninnar að ári. Ef tap eða jafntefli verður leikur Ísland líklega gegn Hvíta-Rússlandi um fall í annan styrkleikaflokk.
