Atli tilkynnir byrjunarliðið
Atli Eðvaldsson, þjálfari A landsliðs karla, hefur tilkynnt byrjunarlið sitt fyrir vináttulandsleikinn gegn Póllandi á morgun. Andri Sigþórsson leikur í fremstu víglínu með Tryggva Guðmundsson og Heiðar Helguson á köntunum sér til stuðnings. Á miðjunni verða Arnar Grétarsson, Helgi Kolviðsson og Pétur Marteinsson, en vörnina skipa bakverðirnir Arnar Þór Viðarsson og Auðun Helgason og miðverðirnir Hermann Hreiðarsson og Eyjólfur Sverrisson, sem einnig er fyrirliði liðsins.
