Skagamenn hafa skilað leyfisgögnum
Skagamenn hafa nú skilað gögnum með umsókn félagsins um þátttökuleyfi í Landsbankadeild karla 2006. ÍA er þriðja félagið til að skila gögnum, en Keflavík og Fylkir höfðu þegar skilað.
Í leyfiskerfi KSÍ er kveðið á um að gögnum, öðrum en fjárhagslegum beri að skila í síðasta lagi 15. janúar, en fjárhagslegum gögnum beri að skila eigi síðar en 15. febrúar.
Gögnin sem skilað er fyrir 15. janúar innihalda upplýsingar um þætti sem snúa að mannvirkjum og aðstöðu (m.a. fyrir áhorfendur, fjölmiðla og iðkendur), upplýsingar um þjálfara/þjálfun og aðra starfsmenn, lagaleg atriði og ýmsar staðfestingar.
.jpg?proc=760)
