Um 70 krakkar mættu á opna æfingu
Um 70 krakkar mættu á opna æfinga hjá A landsliði kvenna, sem fram fór á Valbjarnarvelli í dag, föstudag, í tengslum við alþjóðlega Ólympíuviku. Eftir æfinguna gafst kostur á myndatöku með leikmönnum landsliðsins og eiginhandaráritunum.
Á hverju ári er haldið upp á alþjóðlega Ólympíudaginn út um allan heim þann 23. júní. Þann dag árið 1894 var alþjóða Ólympíunefndin stofnuð. Hér á landi hefur þessi dagur verið haldinn hátíðlegur undanfarin ár. En í stað þess að vera með einn dag hefur undanfarin ár verið boðið uppá Ólympíuviku. Þá eru íþróttafélög og leikjanámskeið frístundaheimila hvött til þess að bjóða upp á Ólympíuþema, hvort sem það er einn dag vikunnar eða öll vikan 24. - 28. júní.
.jpg?proc=760)
