Starfshópur um aðgerðir til að koma í veg fyrir kynferðislega og kynbundna áreitni og ofbeldishegðun
Í kjölfar #metoo yfirlýsinga íþróttakvenna var stofnaður starfshópur í mennta- og menningamálaráðuneytinu til að vinna að tillögum til frekari aðgerða. Starfshópurinn er enn að störfum og er að skoða þá verkferla sem eru við lýði í íþróttastarfi og gera tillögur til úrbóta.
Búið er að útbúa samráðsgátt og er nú leitað til íþróttahreyfingarinnar um ábendingar um aðgerðir, bætt vinnulag og jafnvel lagabreytingar til að hindra kynferðislega áreitni eða ofbeldi. Senda má áskoranir og önnur bréf í gáttina.