Fundargerð Mótanefndar - 22. ágúst 2018

Fundur Mótanefndar 22. ágúst 2018 kl. 16:30 á skrifstofu KSÍ.

Mættir: Vignir Már Þormóðsson formaður, Ingvar Guðjónsson,  Sveinbjörn Másson Jóhann Steinar Ingimundarson, Þórarinn Gunnarsson og Björn Firðþjófsson (í síma).
Einnig sátu fundinn Birkir Sveinsson og Guðlaugur Gunnarsson

Fundargerð ritaði: Birkir Sveinsson

Eftirfarandi var rætt:

1. Mót meistaraflokka
   • Íslandsmót og Mjólkurbikarinn
     Farið almennt yfir stöðu mála í mótum meistaraflokka. Framkvæmd úrslitaleiksins í Mjólkurbikar kvenna gekk vel.
     Rætt um ósætti félaganna í Pepsi-deild karla þegar ekki er orðið við óskum þeirra um breytingar leikja vegna þess að viðkomandi leikur er í beinni sendingu og sjónvarpið leggst gegn breytingunni. Mótanefndin verður þá stuðpúði milli félaganna og sjónvarpsins. Þörf á skýrari reglum/verklagi um þetta.
     
   • Breytingar leikja
     Farið yfir breytingar leikja sem átt hafa sér stað í Pepsi-deild karla vegna Evrópukeppna félagsliða. Einnig farið yfir þær óskir sem þurfti að hafna.
     Verulegar breytingar voru gerðar í Inkasso-deild karla í tengslum við þátttöku Víkings Ó í undanúrslitum Mjólkurbikars karla.
     Mjög miklar breytingar hafa átt sér stað í Inkasso-deild kvenna vegna verkefna landsliða (Íslands og erlendra) í allt sumar. Ljóst er að til framtíðar þá þarf að vera hlé í mótinu á landsleikjadögum, líkt og í Pepsi-deild kvenna.
     
   • Úrslitakeppni 4. deildar
     Farið yfir fyrirkomulag úrslitakeppninnar. Þrjú lið flytjast upp í 3. deild karla vegna fjölgunar í 12 lið í 3. deild karla 2019.
     
     
2. Mót yngri flokka 2018
   • Óleiknir leikir
     Gríðarlegt magn leikja í yngri flokkum hafa ekki farið fram. Stefnir í að einstaka lið muni eiga í erfiðleikum með að klára leiki sína áður en úrslitakeppnir hefjst.
     Rætt um hvað sé til ráða. Þarf að lengja mótið?, taka upp harðari viðurlög?, ofl. Þetta þarf að skoða vandlega.
     
   • Úrslitakeppnir yngri flokka
     Farið yfir fyrirkomulag á úrslitakeppnum yngri flokka. Staðsetningar á úrslitakeppnum í 5. flokki ákveðnar.
     Rætt um það hvernig hægt sé að minnka vægi markatölunnar í úrslitariðlum 4. flokks A-liða. 
     
   • Staðsetning úrslitaleikja yngri flokka
     Farið yfir staðsetningar úrslitaleikja undanfarinna ára. Viðeigandi starfshópar ákveða framhaldið í ár.
     
     
3. Futsal 2019
   • Fyrirkomulag mótsins 2019
     Ákveðið að sama fyrirkomulag verði á Íslandsmótinu í futsal 2019 og var 2018.
     
     
4. Starfshópur um 5. flokk karla
   • Starfshópurinn mun hefja störf um miðjan september og ljúka störfum í síðasta lagi í nóvember.

Fleira var ekki rætt.

• Fundargerðir