Þáttökutilkynning fyrir Íslandsmót meistaraflokka í Futsal 2019
Þátttökutilkynning fyrir Íslandsmót meistaraflokka í knattspyrnu innanhúss 2019 (futsal) hefur verið send út til aðildarfélaga. Frestur til að tilkynna þátttöku er til miðvikudagsins 10. október. Ef eitthvað félag hefur ekki fengið til sín slíka tilkynningu er það beðið um að hafa samband við skrifstofu KSÍ.
Vængir Júpíters eru ríkjandi Íslandsmeistarar í karlaflokki og Álftanes í kvennaflokki. Þess má geta að með sigri sínum unnu Vængir Júpíters sér inn þáttökurétt í Evrópukeppni félagsliða í Futsal.
Mótafyrirkomulag
Mótið er leikið með sama fyrirkomulagi og 2018, þ.e. að forkeppni meistaraflokka karla og kvenna verður leikin með hraðmótsfyrirkomulagi en úrslitakeppnin verður leikin með fullum leiktíma.
Tímabil keppninnar
Forkeppnin er leikin frá 10. nóvember til 16. desember.
Úrslitakeppni meistaraflokka verður leikin dagana 4.–6. janúar og fara undanúrslit og úrslitaleikir fram í Laugardalshöll. Í 8-liða úrslitum verður leikið á heimavöllum félaga þar sem þess er kostur.
Dómgæsla
Dómarar eru skipaðir af KSÍ.
Nánari upplýsingar
Birkir Sveinsson (birkir@ksi.is), sími 510 2907
Þorvaldur Ingimundarson (thorvaldur@ksi.is), sími 510 2903
.png?proc=760){kind=logo}
