• þri. 08. jan. 2019

Frestur til að skila inn umsóknum í Ferðasjóð íþróttafélaga vegna keppnisferða ársins 2018 rennur út á miðnætti 9. janúar

Frestur til að skila inn umsóknum í Ferðasjóð íþróttafélaga vegna keppnisferða ársins 2018 rennur út á miðnætti 9. janúar nk. Ekki verður tekið við umsóknum sem berast eftir þann tíma.

Öll íþrótta- og ungmennafélög innan vébanda ÍSÍ geta sent inn umsóknir í sjóðinn vegna keppnisferða á fyrirfram ákveðin styrkhæf mót ársins 2018.

Hægt er að fara inn á umsóknarsvæðið með því að smella hér eða smella á tengilinn „Ferðasjóður íþróttafélaga” hægra megin á heimasíðu ÍSÍ, www.isi.is, undir listanum „Gagnlegt”.

Við stofnun umsóknar er send vefslóð á uppgefið netfang tengiliðar, sem nýtist sem lykill inn á viðkomandi umsókn þar til umsókn er send. Umsækjendur eru hvattir til að vanda frágang umsókna til að auðvelda og einfalda úrvinnslu þeirra.