.jpg?proc=1152)
U21 karla mætir Katar í Doha 25. mars
Ákveðið hefur verið að U21 landslið karla leiki vináttulandsleik við Katar í Doha þann 25. mars næstkomandi. Um er að ræða annan leik liðsins undir stjórn nýs þjálfarateymis, þeirra Arnars Þórs Viðarssonar og Eiðs Smára Guðjohnsen, en fyrst mætir liðið Tékklandi á Spáni 22. mars. Ísland og Katar hafa tvisvar áður mæst í U21 landsliðum karla, en það var í vináttuleikjum í janúar 1986, þar sem íslenska liðið lék undir stjórn Guðna Kjartanssonar. Báðir leikir fóru fram í Katar - þeim fyrri lauk með markalausu janftefli en þeim síðari með eins marks sigri heimamanna.
