U17 karla - Ísland mætir Ungverjalandi á morgun á EM 2019
U17 ára landslið karla mætir Ungverjalandi á morgun í öðrum leik sínum á EM 2019, en leikið er á Home Farm í Dublin.
Leikurinn hefst kl. 11:00 að íslenskum tíma og verður hægt að fylgjast með gangi leiksins á miðlum KSÍ og vef UEFA.
Strákarnir unnu Rússland í fyrsta leik sínum á mótinu 3-2 með mörkum frá Andra Lucas Guðjohnsen og Jón Gísla Eyland Gíslasyni. Ungverjaland vann hins vegar 1-0 sigur gegn Portúgal.
Ísland mætir svo Portúgal á föstudaginn í síðasta leik sínum í riðlakeppni mótsins.
.JPG?proc=760)
