U21 karla mætir Danmörku í vináttuleik 7. júní
Staðfest hefur verið að U21 landslið karla mætir Danmörku í vináttuleik föstudaginn 7. júní næstkomandi. Leikið verður á CASA Arena í Horsens og hefst leikurinn kl. 17:00 að staðartíma (15:00 ísl. tími). CASA Arena tekur 10.400 áhorfendur, þar af 7.500 í sæti, og fyrir utan knattspyrnuleiki er leikvangurinn einnig notaður fyrir tónleika hald og Speedway-mótorhjólakeppni.
Ísland hefur 10 sinnum áður mætt Danmörku í þessum aldursflokki og unnið tvisvar.
