Fréttatilkynning Isavia vegna komu tyrkneska landsliðsins
Vegna fyrirspurna og umfjöllunar um komu tyrkneska karlalandsliðsins til Íslands er hér vísað í fréttatilkynningu Isavia vegna málsins, þar sem fram kemur m.a. að „... brottfararflugvöllur landsliðshópsins í Tyrklandi er ekki hluti af skilgreindu heildstæðu öryggissvæði, eða One Stop Security, sem gildir fyrir flugvelli í ríkjum ESB og á EES-svæðinu eða í þeim löndum sem gert hafa sérstaka samninga um það. Isavia er því skylt að framkvæma öryggisleit á öllum farþegum sem koma frá slíkum flugvöllum. Íslenskir farþegar, svo og farþegar allra annarra þjóða sem koma frá flugvöllum utan One Stop Security þurfa að fara í gegnum sama ferli.“
Íslenska karlalandsliðið gekk í gegnum sama ferli árið 2015, við komu sína frá sama flugvelli og tyrkneska liðið kom nú.
Framundan er mikilvægur leikur í undankeppni EM 2020 þar sem tvö sterk landslið mætast á Laugardalsvelli, á þriðjudag kl. 18:45.
Höfum háttvísina að leiðarljósi og njótum leiksins.
