U15 kvenna - 1-1 jafntefli gegn Mjanmar
U15 ára landslið kvenna gerði 1-1 jafntefli við Mjanmar á móti í Víetnam. Snædís María Jörundsdóttir skoraði mark Íslands undir lok leiksins.
Markalaust var í hálfleik en Mjanmar komst yfir á 58. mínútu. Ísland sótti mikið eftir markið og setti pressu á vörn Mjanmar. Á endanum tókst þeim að jafna metin og var þar að verki Snædís María Jörundsdóttir.
Leikurinn fór fram í erfiðum aðstæðum, hitinn var mikill eða 31 gráða, en íslenska liðið var heilt yfir sterkari aðilinn í leiknum.
Stelpurnar mæta Víetnam í þriðja, og síðasta, leik sínum á mótinu á fimmtudaginn og hefst leikurinn kl. 11:30.
.jpg?proc=760)
