U19 kvenna - 6-0 sigur hjá Íslandi í fyrsta leik
U19 ára landslið kvenna vann glæsilegan 6-0 sigur gegn Grikklandi í fyrsta leik liðsins í undankeppni EM 2020.
Sveindís Jane Jónsdóttir skoraði tvö mörk og þær Helena Ósk Hálfdánardóttir, Karólína Lea Vilhjálmsdóttir, Linda Líf Boama og Eva Rut Ásþórsdóttir sitt markið hvor.
Leikurinn fór fram á Víkingsvelli og hafði Ísland yfirburði allan leikinn, en liðið var 3-0 yfir í hálfleik.
Á sama tíma vann Spánn 14-0 sigur gegn Kasakstan.
Ísland mætir næst Kasakstan á laugardaginn og fer sá leikur fram á Würth vellinum og hefst kl. 14:00.
Mynd með grein: Hafliði Breiðfjörð, Fótbolti.net
.jpg?proc=760)
