A kvenna - Ísland endar 2019 í 18. sæti
Mynd - fotbolti.net - Hafliði Breiðfjörð
A landslið kvenna er í 18. sæti á nýjum heimslista FIFA sem hefur verið gefinn út.
Liðið fellur um eitt sæti síðan síðasti listi var gefinn út, en í millitíðinni lék liðið tvo leiki. Sá fyrri var vináttuleikur gegn Frakklandi og síðari leikur gegn Lettlandi í undankeppni EM 2021, en báðir leikirnir fóru fram ytra.
Ísland tapaði 0-4 gegn Frakklandi, en vann Lettland 6-0.
Liðið lék á árinu 12 leiki árinu, vann sjö, gerði þrjú jafntefli og tapaði tveimur.