.JPG?proc=1152)
Á svipuðum slóðum á FIFA-listanum
A landslið karla er þessa dagana við æfingar í Los Angeles og er æft á svæði LA Galaxy liðsins, sem leikur í bandarisku Major League deildinni. Veðrið leikur við liðið, sem getur æft við bestu aðstæður í sól og logni.
Í leikmannahópnum í þessu janúarverkefni er góð blanda af reynslumiklum leikmönnum og yngri mönnum sem fá nú gullið tækifæri til að sýna sig og sanna fyrir þjálfarateymi íslenska liðsins. Æfingarnar hafa gengið vel og allir 23 leikmennirnir hafa tekið fullan þátt.
Leiknir verða tveir leikir - fyrst gegn Kanada á miðvikudag og síðan gegn El Salvador á sunnudag. Kanada er sem stendur í 73. sæti styrkleikalista FIFA og er þjálfari liðsins Englendingurinn John Herdman. Þjálfari El Salvador heitir Carlos de los Cobos og kemur frá Mexíkó. Lið El Salvador er í 69. sæti FIFA-listans.
