.JPG?proc=1152)
Þjóðadeildin: Ísland mætir Englandi á laugardag
A landslið karla æfði í dag, föstudag, á Laugardalsvellinum, og tóku allir leikmenn liðsins fullan þátt í æfingunni. Þetta var síðasta æfingin fyrir leikinn við England í Þjóðadeildinni, sem fram fer á laugardag kl. 16:00, og verður í beinni útsendingu og opinni dagskrá á Stöð 2 sport. KSÍ hvetur fólk til klæða sig í bláa liti og horfa á leikinn í sjónvarpi í góðum félagsskap. Engir áhorfendur eru leyfðir á Laugardalsvelli, eins og knattspyrnuáhugafólk veit, og fólk því vinsamlegast beðið að leggja ekki leið sína að Laugardalsvellinum.
Leikur Íslands og Englands hefst kl. 16:00 og kl. 18:45 hefst svo leikur Danmerkur og Belgíu í sama riðli A-deildar Þjóðadeildarinnar. Íslenska liðið heldur til Belgíu á sunnudag og mætir heimamönnum á Koning Boudewijn-leikvanginum í Brussel á þriðjudag. Sama dag taka Danir á móti Englendingum, en enska liðið mun æfa hér á landi á sunnudag og mánudag og halda svo til Kaupmannahafnar.
