UEFA samþykkir þriggja leikja landsliðsglugga í mars og september 2021
UEFA hefur samþykkt þriggja leikja landsliðsglugga í mars og september 2021.
Þetta er gert í ljósi þessi að landsleikjaglugganum í mars 2020 var aflýst vegna COVID-19 sem og EM 2020, sem hefur verið frestað til sumarsins 2021. Ákvörðunin var tekin í samráði við samtök evrópskra knattspyrnufélaga og deildir í Evrópu.
Þess má geta að landsleikjaglugginn í október næstkomandi er einnig þriggja leikja gluggi, en Ísland mætir þar Rúmeníu, Danmörku og Belgíu.
