Fyrsti íslenski dómarakvartettinn eingöngu skipaður konum
Fimmtudaginn 22. október mætast Wales og Færeyjar í undankeppni EM kvenna 2022. Leikurinn fer fram í Cardiff í Wales og hefst kl. 18:05 að íslenskum tíma. Dómari leiksins verður Bríet Bragadóttir, aðstoðardómarar verða þær Rúna Kristín Stefánsdóttir og Eydís Einarsdóttir, og varadómari verður Bergrós Unudóttir.
Þetta er í fyrsta sinn sem fjórar íslenskar konur skipa dómarakvartett í alþjóðlegum leik A landsliða á erlendri grundu.
Bríet hefur starfað við alþjóðleg verkefni síðan 2014, Rúna síðan 2012 og Eydís síðan 2017, en þetta er fyrsta alþjóðlega verkefni Bergrósar.
