.JPG?proc=1152)
Met í augsýn
Þegar litið er yfir leikmannahóp A landsliðs karla, leikjafjölda og markaskorun einstakra leikmanna, má sjá að góðar líkur eru á að leikja- og markamet landsliðsins falli á næstu misserum.
Leikjahæsti leikmaður A landsliðs karla frá upphafi er Rúnar Kristinsson, sem lék 104 leiki fyrir Ísland árin 1988-2004. Rúnar er raunar eini leikmaður A landsliðs karla sem hefur náð yfir hundrað leikjum. Ragnar Sigurðsson hefur leikið 97 leiki nú þegar og mun vafalítið rjúfa 100 leikja múrinn á næsta ári. Birkir Már Sævarsson er kominn með 93 landsleiki og Kári Árnason með 86. Tveir leikmenn náðu þeim áfanga gegn Ungverjum á dögunum að leika sinn 90. A-landsleik, þeir Aron Einar Gunnarsson og Birkir Bjarnason, og báðir gætu þeir farið yfir 100 leikja markið áður en langt um líður.
Markahæstu leikmenn A landsliðs karla frá upphafi eru þeir Eiður Smári Guðjohnsen og Kolbeinn Sigþórsson. Eiður Smári skoraði 26 mörk í 88 leikjum árin 1996-2016. Kolbeinn hefur skorað 26 mörk í 59 leikjum og vantar því aðeins eitt mark til að komast upp fyrir Eið. Skammt undan er Gylfi Þór Sigurðsson, sem hefur skorað 25 mörk í 77 leikjum með A landsliðinu.
Landsliðsferill Rúnars Kristinssonar
Landsliðsferill Eiðs Smára Guðjohnsen
Hægt er að skoða tölfræði leikmanna á vef KSÍ.
