U17 karla mætir Finnlandi á miðvikudag
Mynd - fotbolti.net - Hafliði Breiðfjörð
U17 karla mætir Finnlandi á miðvikudag í fyrri af tveimur vináttuleikjum liðanna.
Báðir leikirnir fara fram í Finnlandi. Fyrri leikurinn, á miðvikudag, fer fram á Myyrmäen jalkapallostadion í Vantaa og hefst hann kl. 15:00 að íslenskum tíma. Sá síðari fer fram á Mustapekka Areena í Helsinki á föstudag og hefst hann kl. 11:00 að íslenskum tíma.
Leikirnir eru liður í undirbúningi liðsins fyrir undankeppni EM 2022. Ísland er þar í riðli með Ungverjalandi, Eistlandi og Georgíu og verður riðillinn leikinn í Ungverjalandi 22.-28. október.
