Leikið til úrslita í Íslandsmótinu innanhúss í meistaraflokki karla um helgina
Úrslitakeppni Íslandsmótsins innanhúss í meistaraflokki karla heldur áfram um helgina og verður leikið til úrslita á sunnudag.
Ísbjörninn hefur þegar tryggt sér sæti í úrslitaleiknum eftir 7-5 sigur gegn Kríu síðustu helgi. Á laugardag fer svo seinni undanúrslitaleikurinn fram þegar Augnablik og Vængir Júpíters mætast í Kórnum íþróttahúsi kl. 17:30.
Úrslitaleikurinn fer fram á sunnudag í Kórnum íþróttahúsi og hefst hann kl. 18:00. Bein útsending verður frá leiknum á Stöð 2 Sport.
Íslandsmótið innanhúss fór ekki fram á síðasta ári í ljósi stöðunnar vegna COVID-19, en Víkingur Ó. eru handhafar Íslandsmeistaratitilsins eftir að hafa unnið Ísbjörninn í úrslitaleik árið 2020. Það er því ljóst að nýr Íslandsmeistari verður krýndur á sunnudag í beinni útsendingu á Stöð 2 Sport.
.png?proc=760){kind=logo}
.png?proc=760){kind=logo}
