Sóley Guðmundsdóttir til starfa á skrifstofu KSÍ
Sóley Guðmundsdóttir hefur verið ráðin til starfa í Samskiptadeild á skrifstofu KSÍ og mun hún hefja störf í vikunni. Á meðal verkefna Sóleyjar verða samfélagsleg verkefni (samfélagsmál, umhverfismál), grasrótarverkefni og útbreiðslustarf, fréttaflutningur og efnisvinnsla fyrir miðla KSÍ, og samskipti við fjölmiðla og aðra hagsmunaaðila.
Sóley hefur lokið MA í blaða- og fréttamennsku frá Háskóla Íslands, B.Sc. í íþrótta- og heilsufræði frá Háskólanum í Reykjavík, er með UEFA-B þjálfararéttindi og á langan feril sem leikmaður í meistaraflokki með ÍBV og Stjörnunni, auk þess að hafa leikið fyrir U16 og U19 landslið Íslands.
KSÍ býður Sóleyju velkomna til starfa.
Mynd: Ernir Eyjólfsson.
