Leikir í Mjólkurbikar karla framundan
Átta liða úrslit í Mjólkurbikar karla hefjast í vikunni.
Á miðvikudaginn kl. 18:00 tekur KA á móti Ægi á KA-velli og á fimmtudaginn kl. 18:00 taka Kórdrengir á móti FH á Framvelli.
Hinir tveir leikirnir í 8-liða úrslitum fara ekki fram fyrr en í næstu viku vegna þátttöku Víkings og Breiðabliks í Sambandsdeild Evrópu.
Fimmtudaginn 18. ágúst tekur Víkingur R. á móti KR á Víkingsvelli og hefst sá leikur klukkan 20:00. Föstudaginn 19. ágúst tekur HK á móti Breiðablik í Kórnum og hefst sá leikur einnig klukkan 20:00.
Undanúrslit fara fram 31. ágúst og 1. september og úrslitaleikurinn sjálfur verður spilaður 1. október á Laugardalsvelli.
