Víkingur R. er bikarmeistari karla 2022!
Mynd - Mummi Lú
Víkingur R. er bikarmeistari karla 2022!
Víkingur R. skoraði fyrsta mark leiksins á 26. mínútu þegar boltinn fór af Ástbirni Þórðarsyni, varnarmanni FH, og í netið. FH var hins vegar ekki lengi að jafna og tveimur mínútum síðar skoraði Oliver Heiðarsson eftir góða skyndisókn.
Nikolaj Andreas Hansen kom Víking R. í 2-1 á 89. mínútu, en aðeins mínútu síðar fór sending Ástbjörns Þórðarsonar af Ingvari Jónssyni og í netið. Staðan því orðin jöfn 2-2 og leikurinn á leið í framlengingu. Víkingur R. kom frábærlega inn í hana og var Nikolaj Hansen búinn að skora sitt annað mark innan við mínútu eftir að hún hófst. Fleiri mörk voru ekki skoruð í leiknum og Víkingur R. er því bikarmeistari karla þriðja árið í röð.
Til hamingju Víkingur R.!
