U19 kvenna - sigur á alþjóðlegu æfingamóti!
U19 kvenna tryggði sér í dag sigur á æfingamóti í Portúgal með 4-1 sigri gegn Wales.
Ísland hafði áður unnið 4-2 sigur gegn Póllandi og 3-2 sigur gegn Portúgal og vann því alla leiki sína á mótinu. Mörkin í leik dagsins skoruðu þær Snædís María Jörundsdóttir, Sædís Rún Heiðarsdóttir og Katla Tryggvadóttir, en Katla skoraði innan við minútu eftir að hún kom inn á í síðari hálfleik og svo bætti hún við öðru marki sínu af vítapunktinum á 77. mínútu.