9. apríl 2017
Ívar Orri Kristjánsson og Jóhann Ingi Jónsson halda til Englands í vikunni þar sem þeir munu m.a. fylgjast með undirbúningi dómara í ensku úrvalsdeildinni. Þeir munu einnig starfa á leikjum í U19 deildinni í Englandi sem og sækja ráðstefnu úrvaldsdeildardómara og aðstoðardómara.
7. apríl 2017
Líkt og leikmenn og aðrir, eru landsdómarar KSÍ í óða önn að undirbúa sig fyrir Íslandsmótið í knattspyrnu sem er handan við hornið.  Dómarar hittast og funda reglulega og þann 8. apríl, fer fram ein af landsdómararáðstefnunum. 
6. apríl 2017
A landslið kvenna sigraði Slóvakíu 0-2 í vináttuleik í Senec í Slóvakíu í dag. Það voru þær Elín Metta Jensen og Berglind Björg Þorvaldsdóttir sem skoruðu mörk Íslands. Sigur Íslands var nokkuð öruggur og hefði hæglega getað orðið stærri. Mark Berglindar var hennar fyrsta mark fyrir landsliðið og ljóst að það var langþráð.
6. apríl 2017
A landslið kvenna leikur vináttuleik gegn Slóvakíu í dag. Leikurinn fer fram í Senec í Slóvakíu og hefst kl. 15:00 að íslenskum tíma. Landsliðið hefur dvalið í Senec síðan á mánudag og hefur undirbúningur fyrir leikinn gengið vel.
5. apríl 2017
Á fundi stjórnar KSÍ á dögunum var skipað í nefndir KSÍ og má sjá nefndarskipan hér að neðan.  Einnig hefur verið skipað í embætti stjórnar og er Guðrún Inga Sívertsen varaformaður, Gísli Gíslason er gjaldkeri og Magnús Gylfason er ritari.
4. apríl 2017
A landslið kvenna er nú mætt til Senec í Slóvakíu þar sem liðið mætir heimamönnum í vináttuleik á fimmtudag. Nú þegar aðeins eru um 100 dagar þar til EM í Hollandi hefst er góður gangur í undirbúningnum og gott líkamlegt ástand á leikmönnum.
4. apríl 2017
Hæfileikamótun KSÍ og N1 fyrir stráka og stelpur á höfuðborgarsvæðinu verður í Kórnum 10. - 12. apríl. Æfingarnar eru fyrir drengi og stúlkur fædd 2003 og 2004. Það er Dean Martin sem fer fyrir verkefninu.
3. apríl 2017
Héraðsdómaranámskeið verður haldið í Sókninni á 3. hæð í höfuðstöðvum KSÍ miðvikudaginn 5. apríl kl. 18:00.  Námskeiðið er hugsað fyrir alla starfandi dómara og þá sem vilja öðlast réttindi héraðsdómara. Kristinn Jakobsson fyrrverandi FIFA dómari mun kenna á námskeiðinu.
2. apríl 2017
U17 kvenna vann í dag góðan 4-1 sigur á Portúgal í milliriðli fyrir EM. Alexandra Jóhannsdóttir skoraði þrennu í leiknum og Sveindís Jane Jónsdóttir eitt mark.
1. apríl 2017
U17 kvenna leikur lokaleik sinn í milliriðli á morgun, sunnudag. Leikurinn er gegn Portúgal en stelpurnar okkar eiga ennþá möguleika á að komast áfram í úrslitakeppnina. Til að það gangi upp þarf Ísland að vinna Portúgal og treysta á hagstæð úrslit í öðrum leikjum í milliriðli.
31. mars 2017
Þórður Þórðarson, landsliðsþjálfari U19 kvenna hefur valið landsliðshóp sem leikur tvo vináttulandsleiki gegn Ungverjum ytra 11. og 13. apríl.
30. mars 2017
U17 ára landslið kvenna tapaði gegn Spánverjum í dag í milliriðli fyrir EM. Leikurinn endaði 3-0 fyrir Spán sem skoraði öll mörk sín í síðari hálfleik. Lokaleikur Íslands í milliriðlinum verður gegn Portúgal á sunnudaginn.
30. mars 2017
U17 kvenna leikur annan leik sinn í milliriðli fyrir EM í dag. Leikurinn er gegn Spáni og verður blásið til leiks klukkan 14:00. Leikurinn verður sýndur beint á netinu og mun hlekkur á leikinn koma á Facebook-síðu KSI.
29. mars 2017
Kvennalandsliðið verður í næstefsta styrkleikaflokki þegar dregið verður í riðla fyrir undankeppni HM 2019 þann 25. apríl. Styrkleikaflokkarnir eru fimm og verður dregið í sjö riðla. Efsta lið hvers riðils kemst beint á HM, og fjögur lið með bestan árangur í 2. sæti fara í umspil um tvö laus sæti til viðbótar.
29. mars 2017
Kvennalandsliðið leikur tvo vináttuleiki í apríl við Slóvakíu og Holland en leikirnir eru hluti af undirbúningi liðsins fyrir EM í sumar. Freyr Alexandersson, landsliðsþjálfari, hefur tilkynnt leikmannahópinn sem fer í þessi verkefni og má sjá hópinn hér.
29. mars 2017
Hæfileikamótun KSÍ og N1 fer fram á Reyðarfirði, föstudaginn 7. apríl.  Æfingarnar eru fyrir stúlkur og drengii sem eru fædd 2003 og 2004. Það er Dean Martin sem fer fyrir verkefninu. 
28. mars 2017
slenska karlalandsliðið vann góðan 1-0 sigur á Írum í vináttuleik þjóðanna sem fram fór á Aviva leikvangnum í Dublin í kvöld. Hörður Björgvin Magnússon skoraði eina mark leiksins beint úr aukaspyrnu á 21. mínútu.
28. mars 2017
Strákarnir í U21 unnu góðan sigur á Sádí Arabíu í dag en vináttulandsleikur liðanna var leikinn í Róm.  Lokatölur urðu 3 - 1 fyrir Ísland en markalaust var í leikhléi.  Góður undirbúningur liðsins að baki fyrir undankeppni EM en liðið lék þrjá leiki í ferðinni.