9. október 2010
Eyjólfur Sverrisson, landsliðsþjálfari U21 karla, hefur gert eina breytingu á hóp sínum er hélt til Edinborgar í morgun. Þar verður leikinn seinni umspilsleikurinn í við en í húfi er sæti í úrslitakeppni EM í Danmörku að næsta ári.
8. október 2010
Íslenska karlalandsliðið sat hjá í umferð í undankeppni EM 2012 sem leikin var á föstudagskvöld.  Norðmenn eru enn með fullt hús stiga eftir 2-1 sigur á Kýpverjum á Kýpur og Portúgalar unnu sinn fyrsta sigur í keppninni.
8. október 2010
Í hálfleik á viðureign Íslands og Portúgals á þriðjudag munu fimm heppnir vallargestir fá tækifæri til að spyrna knetti frá vítateigsboganum (efst á boganum) með það fyrir augum að hitta þverslána.  Vinningurinn er ferð fyrir tvo til Evrópu með Icelandair!
8. október 2010
Eins og flestum ætti að vera kunnugt um er föstudagurinn 8. október sérstakur Bleikur dagur, þar sem fólk er hvatt til að klæðast bleiku og vekja þannig athygli á baráttunni gegn brjóstakrabbameini. Starfsfólk KSÍ lét sitt ekki eftir liggja í þessu og skartaði fagurbleikum fatnaði við dagleg störf.
8. október 2010
A landslið karla kom saman í dag á fyrstu æfingunni fyrir leikinn við Portúgal á þriðjudag. Í dag, föstudag, er sérstakur bleikur dagur í tengslum við átakið Bleika slaufan og að sjálfsögðu voru vestin á æfingu landsliðsins í bleikum lit!
8. október 2010
Það verða Austurríkismenn sem sjá um dómgæsluna á viðureign Íslands og Portúgals í undankeppni EM 2012 á þriðjudag.  Dómarinn heitir Thomas Einwaller, er 33 ára gamall og hefur verið FIFA-dómari síðan 2005.
7. október 2010
Strákarnir í U21 unnu góðan sigur á Skotum á Laugardalsvelli í kvöld að viðstöddum 7.255 áhorfendum.  Þetta var fyrri leikurinn í umspilsleikjum um sæti í úrslitakeppninni í Danmörku á næsta ári.  Seinni leikurinn verður í Edinborg, mánudaginn 11. október á Easter Road.
7. október 2010
Eyjólfur Sverrisson, landsliðsþjálfari U21 karla, hefur tilkynnt byrjunarlið sitt er mætir Skotum í kvöld á Laugardalsvelli kl. 19:00. Þetta er fyrri umspilsleikur um sæti í úrslitakeppni EM U21 sem fer fram í Danmörku á næsta ári. Seinni leikurinn fer svo fram í Edinborg, mánudaginn 11. október.
7. október 2010
Fyrri leikur Íslands og Skotlands í umspili fyrir EM U21 karla sem fram fer á Laugardalsvelli í kvöld klukkan 19:00 verður í beinni á SportTv.is og livefromiceland.com fyrir Íslendinga erlendis. Það þarf því enginn að missa af þessum landsleik.
7. október 2010
Arna Ýr Jónsdóttir er nemandi á starfsbraut í FB og hefur mikinn áhuga á fótbolta. Starfsnámið er verklegt nám fyrir nemendur með sérþarfir sem lokið hafa grunnskólanámi og tengist hinum ýmsu námsgreinum brautarinnar. Hluti af náminu er að taka þátt í starfi á vinnustöðum og er Arna að aðstoða á skrifstofu KSÍ.
7. október 2010
Í kvöld fer fram fyrri umspilsleikur á milli Íslands og Skotlands en leikið er um sæti í úrslitakeppni EM U21 karla.  Leikurinn hefst kl. 19:00 á Laugardalsvelli en miðsala á vellinum hefst kl. 12:00.  Áhorfendur eru hvattir til þess að vera tímanlega í því til að forðast biðraðir rétt fyrir leik.
6. október 2010
Aga- og úrskurðarnefnd hefur úrskurðað í kæru Hattar/Einherja gegn Aftureldingu/Hvíta Riddarans vegna leiks í 2. flokki karla C riðli sem fram fór 12. september. Úrskurðurinn hljómar upp á að úrslit leiksins skulu standa óhögguð.
6. október 2010
Kristinn Jakobsson dómari verður við störf næskomandi föstudag þegar hann dæmir leik Albaníu og Bosníu Hersegóvínu en leikið verður í Tirana. Leikurinn er liður í D riðli undankeppni EM.
5. október 2010
Þjálfararnir Gunnar Guðmundsson og Kristinn Jónsson, landsliðsþjálfarar U17 og U19 karla, hafa valið leikmenn til æfinga á næstu dögum.  Æfingarnar hjá U17 eru um komandi helgi en U19 hefur æfingar í dag.
5. október 2010
Eins og glöggir lesendur heimasíðu KSÍ hafa tekið eftir, og jafnvel nokkrir fleiri, hefur forsíðan aðeins breytt um lit. Bleikur litur ræður þar nú ríkjum en ástæðan er sú að vekja athygli á bleiku slaufunni sem er nú í sölu.
5. október 2010
Miðasala á fyrri umspilsleik U21 karla, Ísland - Skotland, er nú í fullum gangi.  Það er um að gera fyrir knattspyrnuáhugamenn að tryggja sér miða í forsölu og forðast þannig biðraðir í miðasölu á leikdag.  Miðaverð er 1.000 krónur fyrir fullorðna en frítt er inn fyrir börn 16 ára og yngri. Á leikdag opnar miðasala á Laugardalsvelli kl. 12:00
5. október 2010
Á fundi framkvæmdastjórnar UEFA í gær var ákveðið að úrslitakeppni EM kvenna fari fram í Svíþjóð árið 2013. Valið stóð á milli Svíþjóðar og Hollands. Einnig var ákveðið að fjöldi þátttökuþjóða í úrslitakeppninni yrði áfram 12 þjóðir en umræður höfðu verið um að þeim skyldi fjölga í 16 þjóðir.
5. október 2010
Knattspyrnusamband Íslands mun á næstu vikum halda tvö KSÍ II þjálfaranámskeið á höfuðborgarsvæðinu. Annars vegar er um að ræða námskeið sem haldið verður helgina 15.-17. október og hins vegar 22.-24. október. Þátttökurétt hafa allir þeir sem hafa 1. stigs þjálfararéttindi.