3. desember 2008
Í dag var dregið í undankeppni fyrir EM 2010 hjá landsliðum U17 og U19 karla. Hjá U17 karla leikur Ísland í riðli með Bosníu, Rússlandi og Wales. Hjá U19 karla lentu Íslendingar í riðli með Búlgaríu, Norður Írlandi og Bosníu.
3. desember 2008
Í dag verður dregið í undankeppni EM 2009/2010 hjá landsliðum U17 og U19 karla. Dregið verður í höfuðstöðvum UEFA í Sviss en úrslitakeppni U17 karla fer fram að þessu sinni í Liechtenstein en hjá U19 karla fer hún fram í Frakklandi.
3. desember 2008
Í gær var úthlutað úr afrekskvennasjóði Glitnis og ÍSÍ og voru styrkþegar þrír talsins í þett skiptið. Knattspyrnusamband Ísland var einn þeirra og hlýtur sambandið eina milljón króna í styrk vegna A landsliðs kvenna.
2. desember 2008
Dagana 25.-28. nóvember hélt 11 manna hópur frá Íslandi til Finnlands í þeim tilgangi að kynna sér knattspyrnu kvenna þar í landi. Hópurinn var skipaður fulltrúum liðanna sem leika í Landsbankadeild kvenna á næsta ári.
2. desember 2008
Special Olympics í Evrópu vekur athygli aðildarlanda á því að myndband um knattspyrnu fatlaðra mun verða sýnt 2. desember á Eurosport í tengslum við alþjóðadag fatlaðra.
2. desember 2008
Hér að neðan má sjá lista yfir þjálfara Íslandsmeistaraliða í efstu deild, karla og kvenna, frá upphafi. Sigurður Ragnar Eyjólfsson, fræðslustjóri, hefur upp á síðkastið unnið við að taka saman þennan lista.
1. desember 2008
Um helgina verða æfingar hjá landsliðum U16, U17 og U19 karla. Landsliðsþjálfararnir Freyr Sverrisson, Luka Kostic og Kristinn R. Jónsson hafa valið 100 leikmenn til þessara æfinga.
1. desember 2008
Knattspyrnusambönd Íslands og Hollands hafa komist að samkomulagi um að kvennalandslið þjóðanna leiki vináttulandsleik í Kórnum, 23. apríl næstkomandi. Þetta er í fyrsta skiptið er landslið kvenna leikur í Kórnum.
28. nóvember 2008
Skipt hefur verið í riðla á Algarve Cup 2009 en íslenska kvennalandsliðið mun þar leika í B riðli með Bandaríkjunum, Danmörku og Noregi. Þetta mót er góður undirbúningur fyrir úrslitakeppni EM í Finnlandi næsta sumar.
28. nóvember 2008
Boðað hefur verið til funda með leyfisfulltrúum félaga í Landsbankadeild karla og 1. deild karla. Farið verður yfir nokkur mikilvæg atriði tengd leyfishandbókinni og leyfisferlinu.
27. nóvember 2008
Íþrótta- og Ólympíusamband Íslands stendur fyrir fjármálaráðstefnu föstudaginn 28. nóvember nk. kl. 13-16 í Laugardalshöll. Ráðstefnustjóri verður Stefán Konráðsson framkvæmdastjóri Íslenskrar getspár.
26. nóvember 2008
Knattspyrnufélag Reykjavíkur leitar að einstaklingi með áhuga og reynslu af þjálfun. Um er að ræða þjálfun á 3.flokk karla í knattspyrnu .
25. nóvember 2008
Um komandi helgi fara fram úrtaksæfingar hjá U17 og U19 karla og hafa Luka Kostic og Kristinn R. Jónsson valið leikmenn til þessara æfinga. Samtals eru það 70 leikmenn sem eru boðaðir í þessum aldursflokkum.
24. nóvember 2008
Það voru 56 stúlkur sem léku með yngri landsliðum kvenna á árinu 2008. 32 leikmenn úr 13 íslenskum félögum og 1 erlendu léku með U19 landsliði kvenna og 29 leikmenn úr 14 íslenskum félögum léku með U17 landsliði kvenna á þessu ári.
24. nóvember 2008
Knattspyrnusambönd Íslands og Danmerkur hafa komist að samkomulagi um að kvennalandslið þjóðanna mætist í vináttulandsleik 19. júlí á næsta ári og verður leikið í Kaupmannahöfn eða nágrenni.
21. nóvember 2008
Vert er að vekja athygli á heimasíðu UEFA en þar er að finna ýmsan fróðleik. Einn hluti hennar nefnist "Training Ground" en þar má lesa og sjá mikið af efni er tengist knattspyrnu og jafnvel er hægt að taka námskeið á netinu.
20. nóvember 2008
Nú er nýhafin í Chile HM U20 kvenna í knattspyrnu en þar keppa 16 þjóðir um heimsmeistaratitilinn. Hægt er að horfa á leiki keppninnar án endurgjalds á heimasíðu FIFA.
19. nóvember 2008
Ísland lagði Möltu í vináttulandsleik er fór fram í dag en leikið var á Möltu. Lokatölur urðu 0-1 og var það Heiðar Helguson sem skoraði mark Íslendinga í síðari hálfleik. Íslenska liðið var með undirtökin mest allan leikinn og átti nokkur ágætis færi þó svo að dauðafærin hafi ekki verið mörg.</