8. janúar 2008
KSÍ heldur KSÍ B próf (UEFA B próf) í þjálfaramenntun laugardaginn 16. febrúar klukkan 10 í Fræðslusetri KSÍ í Laugardal. Réttindi til próftöku hafa allir þjálfarar sem hafa lokið fyrstu fjórum þjálfarastigum KSÍ (KSÍ I, II, III og IV)
8. janúar 2008
KSÍ heldur 3. stig þjálfaranámskeið á Akureyri helgina 25.-27. janúar. Um er að ræða fyrsta KSÍ III námskeiðið sem fram fer á landsbyggðinni. Námskeiðið fer fram í félagsheimi Þórs og í Boganum og er námskeiðið bæði bóklegt og verklegt.
8. janúar 2008
KSÍ heldur 2. stig þjálfaranámskeið á Reyðarfirði helgina 18.-20. janúar. Námskeiðið fer fram í Barnaskólanum á Reyðarfirði og í Fjarðabyggðarhöllinni og er bæði bóklegt og verklegt.
8. janúar 2008
KSÍ heldur 3. stig þjálfaranámskeið í Reykjavík helgina 18.-20. janúar. Námskeiðið fer fram í Fræðslusetri KSÍ í Laugardal. Hægt er að skrá sig með því að senda tölvupóst á dagur@ksi.is og eru áhugasamir hvattir til þess að skrá sig.
7. janúar 2008
Sigurður Ragnar Eyjólfsson, landsliðsþjálfari A-kvenna, hefur valið 25 leikmenn til æfinga um komandi helgi. Æft verður tvisvar sinnum um helgina og fara æfingarnar fram í knattspyrnuhúsinu Kórnum í Kópavogi.
7. janúar 2008
Fimmtudaginn 17. janúar kl. 18:00 verður haldið námskeið í höfuðstöðvum KSÍ fyrir héraðsdómara. Námskeiðið er hugsað fyrir héraðsdómara og þá unglingadómara sem hafa áhuga á að öðlast héraðsdómararéttindi.
7. janúar 2008
62. ársþing Knattspyrnusambands Íslands verður haldið í húsakynnum KSÍ laugardaginn 9. febrúar 2008. Tillögur og málefni sem taka á fyrir á þinginu þurfa að berast í síðasta lagi miðvikudaginn 9. janúar.
7. janúar 2008
Kristrún Lilja Daðadóttir landsliðsþjálfari U17 kvenna og Ólafur Þór Guðbjörnsson, landsliðsþjálfari U19 kvenna, hafa valið hópa til æfinga um helgina. Æft verður tvisvar og fara æfingarnar fram í Kórnum og Egilshöll.
4. janúar 2008
Frá og með 1. janúar 2008 verða þátttakendur á unglingadómaranámskeiðum ekki krafðir um þátttökugjöld. Hér er um nýbreytni að ræða og liður í því að fjölga dómurum og efla dómgæsluna.
3. janúar 2008
KSÍ heldur að venju fjölda þjálfaranámskeiða á þessu ári og eru fyrstu námskeiðin á dagskránni strax í janúar. Hér að neðan má sjá þau námskeið sem liggja fyrir árið 2008 en önnur námskeið og fyrirlestrar eru í vinnslu og verða auglýst nánar síðar.
3. janúar 2008
Dagur Sveinn Dagbjartsson er nýr starfsmaður í fræðslumálum og hefur hann hafið störf. Dagur hefur lokið B.S. gráðu í íþróttafræðum frá KHÍ á Laugarvatni og mun verða með Sigurði R. Eyjólfssyni í fræðslumálum KSÍ.
30. desember 2007
Framkvæmdastjóri KSÍ hefur sent bréf til allra þeirra félaga sem undirgangast leyfiskerfi KSÍ og er efni þess bréfs birt hér að neðan. Félögin eru minnt á lykildagsetningar og nokkur mikilvæg atriði í leyfisferlinu.
30. desember 2007
Luka Kostic, þjálfari U17 og U21 landsliða karla, hlaut í dag viðurkenningu Alþjóðahúss fyrir lofsverða frammistöðu í málefnum innflytjenda á Íslandi. Það var forseti Íslands, Ólafur Ragnar Grímsson, sem afhenti viðurkenninguna.
28. desember 2007
Stjórn KSÍ hefur samþykkt bráðabirgðaákvæði til þess að heimila leikmönnum sem hafa skipt um félag og eru handhafar keppnisleyfis sem tekur gildi 20. febrúar nk. að leika nú þegar með nýju félagi í héraðsmótum og Íslandsmóti innanhúss.
27. desember 2007
Kristinn R. Jónsson, landsliðsþjálfari U19 karla, hefur valið 2 hópa til æfinga fyrstu vikuna í janúar. Hvor hópur æfir tvisvar sinnum þessa helgi og fara æfingarnar fram í Kórnum og Egilshöllinni.
21. desember 2007
Íslenska kvennalandsliðið er í 21. sæti á nýjum styrkleikalista FIFA sem birtur var í dag. Er það sama sæti og liðið var í desember árið 2006. Þýskaland endar árið 2007 í efsta sæti styrkleikalistans.
20. desember 2007
Íslendingar munu spila vináttulandsleik gegn Wales, miðvikudaginn 28. maí 2008 og fer leikurinn fram á Laugardalsvelli. Þetta er sjötti vináttulandsleikurinn sem fyrirhugaður er á næsta ári en leikið verður við Færeyjar og Slóvakíu í mars sem og við Armeníu, Hvíta-Rússland og Möltu á æfingamóti í febrúar.
20. desember 2007
Umsjónarmaður meðknattspyrnuklúbb fyrir 14-16 ára unglinga sem á að byrja í janúar, tvö til þrjú kvöld í viku. Þetta er samstarfsverkefni ÍR, Leiknis, Miðbergs og Þjónustumiðstöðvar Breiðholts.