27. september 2007
Íslenska U19 kvennalandsliðið leikur fyrsta leik sinn í riðlakeppni EM í dag en riðillinn er leikinn í Portúgal. Fyrsti leikur liðsins er gegn Rúmeníu og hefst leikurinn kl. 15:00 að íslenskum tíma.
27. september 2007
Íslenska U19 kvennalandsliðið byrjaði riðlakeppni EM 2008 með látum en fyrsti leikur liðsins var í dag. Rúmenar voru þá lagðir að velli með fjórum mörkum gegn engu en staðan í hálfleik var 2-0. Leikið verður gegn Grikkjum á laugardaginn kl. 15:00
27. september 2007
Strákarnir í U17 töpuðu fyrsta leik sínum í riðlakeppni EM en leikið er í Serbíu. Andstæðingarnir í dag voru heimamenn og lauk leiknum með sigri þeirra, 1-0. Mark Serba kom á fyrstu mínútu og tókst íslensku strákunum ekki að jafna metin.
27. september 2007
U17 karlalandsliðið hefur leik í dag í riðlakeppni EM en riðillinn er leikinn í Serbíu. Fyrsti leikur íslenska liðsins er gegn heimamönnum í Serbíu og hefst leikurinn kl. 13:30 að íslenskum tíma.
27. september 2007
Unglingadómaranámskeið verður haldið í október og er að mestu leyti um heimanám að ræða. Þátttakendur fá námsefnið sent í þrennu lagi með tölvupósti (þrjá föstudaga í röð,fyrst 12/10), en námskeiðinu lýkur með prófi 5. nóvember.
26. september 2007
Fyrsta þjálfaranámskeið haustsins fer fram nú um helgina og er það KSÍ 1 þjálfaranámskeið. Kennsla fer fram í fræðslusetri KSÍ og í nýrri knattspyrnuhöll, Kórinn, í Kópavogi.
24. september 2007
Ólafur Þór Guðbjörnsson, landsliðsþjálfari U19 kvenna, hefur gert breytingu á hóp sínum er leikur í riðlakeppni EM í Portúgal. Dagný Brynjarsdóttir úr Val kemur inn í hópinn fyrir Ólöfu Gerði Ísberg úr KR.
24. september 2007
Luka Kostic, landsliðsþjálfari U17 karla, hefur gert eina breytingu á hóp sínum er leikur í riðlakeppni EM í Serbíu dagana 27. september til 2. október. Ottó Hólm Reynisson úr Þór Akureyri kemur inn í hópinn.
24. september 2007
Knattspyrnudeild Fylkis óskar eftir þjálfara fyrir eldri kvennaflokka félagsins. Nánari upplýsingar gefur íþróttafulltrúi félagsins Hörður Guðjónsson í síma 567-6467 og á netfangið hordur@fylkir.com.
22. september 2007
U17 landslið kvenna tryggði sér í dag sæti í milliriðli EM með 3-0 sigri á Úkraínu í lokaleik riðilsins í undankeppninni. Berglind Björg Þorvaldsdóttir sem skoraði öll mörkin í leiknum.
22. september 2007
Kristrún Lilja Daðadóttir, landsliðsþjálfari U17 kvenna, hefur tilkynnt byrjunarlið sitt er mætir Úkraínu í riðlakeppni EM í dag. Með sigri eða jafntefli tryggir íslenska liðið sig áfram í milliriðla EM.
20. september 2007
Þjálfaranámskeið KSÍ eru að hefjast. Það hefur jafnan verið mikil þátttaka á þjálfaranámskeiðum KSÍ og því best að skrá sig sem fyrst ef þið viljið vera viss um að fá pláss.
19. september 2007
Stelpurnar í U17 landsliðinu sigruðu sinn annan leik í riðlakeppni fyrir EM en riðillinn er leikinn í Slóveníu. Voru heimastúlkur lagðar að velli að þessu sinni með fimm mörkum gegn engu og gerði Dagný Brynjarsdóttir þrennu í leiknum.
19. september 2007
Kristrún Lilja Daðadóttir, landsliðsþjálfari U17 kvenna, hefur tilkynnt byrjunarlið sitt er mætir Slóveníu í riðlakeppni EM. Riðillinn er leikinn í Slóveníu en íslenska liðið sigraði Letta í fyrsta leik sínum, 7-1. Leikurinn í dag hefst kl. 14:30.
18. september 2007
Ólafur Þór Guðbjörnsson, landsliðsþjálfari U19 kvenna, hefur valið hópinn er heldur til Portúgal og leikur þar í riðlakeppni EM U19 kvenna. Mótherjar Íslands í riðlinum eru Rúmenía, Grikkland og Portúgal.
18. september 2007
Á sunnudaginn mættu landsliðskonurnar Katrín Jónsdóttir og Greta Mjöll Samúelsdóttir á fótboltaæfingu með fötluðum. Æfingin var liður í samstarfsverkefni Íþróttafélags Fatlaðra og Knattspyrnusambands Íslands.
17. september 2007
Íslenska U17 landslið kvenna leikur í dag sinn fyrsta leik í riðlakeppni fyrir EM en þetta er í fyrsta skiptið sem slík keppni er haldin í þessum aldursflokki. Leikið er gegn Lettum og hefur Kristrún Lilja Daðadóttir, landsliðsþjálfari, tilkynnt byrjunarliðið.
17. september 2007
Á miðvikudag mun fara fram víðtækt gæðamat á skipulagi leyfiskerfis KSÍ og því starfi sem unnið er við rekstur þess. Matið er framkvæmt árlega af fulltrúum SGS, sem er alþjóðlegt vottunarfyrirtæki.