22. ágúst 2006
Íslenska U18 karlalandsliðið er statt í Tékklandi þar sem það tekur þátt í alþjóðlegu móti. Ísland leikur í riðli með Belgíu, Slóvakíu og Póllandi á mótinu. Fyrsti leikur liðsins í mótinu er í dag kl. 15:00 þegar liðið leikur við Belga.
21. ágúst 2006
Íslenska kvennalandsliðið leikur vináttulandsleik við Bandaríkin 8. október næstkomandi. Leikið verður á velli háskólans í Richmond í Virginíu. Leikurinn verður í beinni útsendingu á sjónvarpsstöðinni ESPN2 í Bandaríkjunum.
19. ágúst 2006
Íslenska kvennalandsliðið í knattspyrnu laut í lægra haldi gegn Tékkum í dag. Lauk leiknum með því að Tékkar skoruðu fjögur mörk gegn tveimur íslenskum. Íslenska liðið leikur gegn Svíum laugardaginn 26. ágúst á Laugardalsvelli.
18. ágúst 2006
Jörundur Áki Sveinsson, landsliðsþjálfari, hefur tilkynnt byrjunarlið sitt er mætir Tékkum á laugardag kl. 16:00 á Laugardalsvelli. Ókeypis aðgangur er á leikinn og eru landsmenn hvattir til þess að mæta.
18. ágúst 2006
Íslenska kvennalandsliðið leikur á morgun, laugardag, gegn Tékkum í undankeppni fyrir HM 2007. Leikið er á Laugardalsvelli og hefst leikurinn kl. 16:00. Ókeypis er á völlinn og getur stuðningur skipt sköpum fyrir stelpurnar í leiknum.
17. ágúst 2006
Íslenska kvennalandsliðið í knattspynu undirbýr sig nú af krafti fyrir leikinn gegn Tékkum. Liðið kom saman á þriðjudaginn og æfa einu sinni á dag fram að leik. Leikurinn er á laugardaginn á Laugardalsvelli og er ókeypis inn á völlinn.
17. ágúst 2006
Í gegnum árin hafa mörg félög gefið út bók um sögu knattspyrnunnar í viðkomandi félagi. Það hafa líka verið gefnar út bækur um sögu einstakra knattspyrnumanna. KSÍ leitar nú eftir að fá eintak af þessum bókum til varðveislu á bókasafni KSÍ.
16. ágúst 2006
Knattspyrnudómstóll KSÍ hefur dæmt í máli Hattar gegn Fjarðabyggð.  Var kært vegna leiks í 2. flokki karla C2 sem fram fór 31. júlí síðastliðinn og var leikinn á Vilhjálmsvelli.
16. ágúst 2006
U21 karlalandslið Íslands og Austurríkis gerðu markalaust jafntefli í undankeppni EM í dag, miðvikudag, en leikurinn fór fram í Austurríki. Nokkuð jafnræði var með liðunum í leiknum og segja má að jafntefli hafi verið sanngjörn úrslit.
16. ágúst 2006
Íslenska A-landslið kvenna verður í eldlínunni á laugardaginn þegar liðið tekur á móti Tékkum. Leikið er á Laugardalsvelli og hefst leikurinn kl. 16:00. Leikurinn er liður í riðlakeppni HM 2007. Frítt verður á þennan leik.
16. ágúst 2006
Í dag kl. 15:00 leika Íslendingar við Austurríkismenn í riðlakeppni fyrir EM hjá U21 landsliðum. Leikurinn er fyrsti leikur riðilsins en Ítalir skipa einnig þennan riðil. Aðeins er leikinn einn leikur við hvora þjóð.
15. ágúst 2006
Íslenska landsliðið gerði jafntefli við Spánverja í vináttulandsleik á Laugardalsvellinum í kvöld. Lauk leiknum með markalausu jafntefli og var leikurinn prýðilegur af hálfu Íslendinga.
15. ágúst 2006
Eyjólfur Sverrisson, landsliðsþjálfari Íslands, hefur tilkynnt byrjunarlið sitt sem mætir Spánverjum í vináttulandsleik í kvöld kl. 20:00.
15. ágúst 2006
Guðni Kjartansson, landsliðsþjálfari U18 landsliðs karla, hefur valið eftirtalda leikmenn í landslið Íslands sem keppir á alþjóðlegu móti í Tékklandi 21. ágúst - 27. ágúst.
15. ágúst 2006
Sala stæðismiða á ksi.is og midi.is og einnig við Laugardalsvöll frá kl. 10:00 við aðalinngang vallarins í vesturstúku. Áhorfendur eru hvattir til þess að mæta tímanlega því aðgöngumiðar eru skannaðir inn við aðgönguhlið.
14. ágúst 2006
Í dag seldust upp síðustu miðarnir í sæti á vináttulandsleik Íslands og Spánar er hefst kl. 20:00, þriðjudaginn 15. ágúst. Enn er hægt að kaupa miða í stæði en forsöluafsláttur er til miðnættis í kvöld.
14. ágúst 2006
Eiður Smári Guðjohnsen, fyrirliði íslenska landsliðsins í knattspyrnu, verður ekki með í vináttulandsleiknum gegn Spáni. Í samráði við lækna íslenska liðsins og landsliðsþjálfara var ákveðið að gefa Eiði frí í þessum leik.
14. ágúst 2006
Miðasala á vináttulandsleik Íslands og Spánar, þriðjudaginn 15. ágúst, gengur mjög vel og í morgun voru nokkur hundruð miðar eftir í sæti. Ljóst er að sætismiðar munu seljast upp í dag en einnig er hægt að kaupa miða í stæði á þennan leik.