22. júní 2005
Stjórn KSÍ ákvað á fundi sínum 20. júní síðastliðinn að úrskurða Mostafa Marinó Anbari, þjálfara Afríku, í tveggja mánaða leikbann.  Lið Afríku tefldi fram leikmanni í VISA-bikarnum sem ekki var skráður á leikskýrslu.
21. júní 2005
KSÍ leitar að sjálfboðaliðum til starfa við Norðurlandamót U17 landsliða karla, sem fram fer í Reykjavík og nágrenni 1. - 8. ágúst næstkomandi. Alls taka 8 lið þátt í mótinu, Norðurlandaþjóðirnar sex auk Englands og Írlands.
18. júní 2005
Vegna fjölda fyrirspurna vill skrifstofa KSÍ koma því á framfæri að leikmanni sem leikur með félagi A í VISA-bikarnum og hefur síðan félagaskipti í félag B er heimilt að leika með nýja félaginu í bikarkeppninni. Ekkert í reglugerðum KSÍ bannar slíkt.
17. júní 2005
Eiður Smári Guðjohnsen, fyrirliði íslenska landsliðsins í knattspyrnu, var í dag, 17. júní, sæmdur heiðursmerki hinnar íslensku fálkaorðu. Eiður Smári var í hópi 12 Íslendinga sem forseti Íslands sæmdi heiðursmerki við athöfn á Bessastöðum.
16. júní 2005
Erna Þorleifsdóttir, þjálfari U17 landsliðs kvenna, hefur tilkynnt 22 manna undirbúningshóp fyrir Norðurlandamót U17 liða kvenna sem fram fer í Noregi í byrjun júlí.
16. júní 2005
Knattspyrnuskóli karla 2005 fer fram að Laugarvatni 20. - 24. júní næstkomandi. Frey Sverrisson, landsliðsþjálfari U16 karla hefur umsjón með skólanum og eru leikmenn í skólanum í ár fæddir 1991.
16. júní 2005
Íslenska landsliðið hefur hækkað um sjö sæti á styrkleikalista FIFA frá því í síðasta mánuði. Liðið er nú í 90. sæti. Efstu þrjú sætin eru óbreytt - Brasilía efst, Tékkland í öðru sæti og Argentína í því þriðja - en Hollendingar draga nokkuð á efstu liðin og eru nú í fjórða sæti.
10. júní 2005
Þrír nemar í íþróttafræðum við Kennaraháskóla Íslands hafa nýlega lokið við B.S. ritgerð sína um menntun allra knattspyrnuþjálfara á Íslandi sumarið 2004. Þremenningarnir unnu þetta verkefni í samstarfi við KSÍ og er ritgerðin aðgengileg á skrifstofu KSÍ fyrir þá sem hafa áhuga.
9. júní 2005
Aganefnd KSÍ hefur borist greinargerð frá framkvæmdastjóra sambandsins vegna ummæla Ólafs Þórðarsonar, þjálfara ÍA, eftir leik Vals og ÍA í Landsbankadeild karla sem fram fór 23. maí síðastliðinn.
9. júní 2005
U19 lið karla mætti Svíþjóð í vináttulandsleik í Sandgerði í dag, fimmtudag, í annað sinn á þremur dögum. Úrslit leiksins í dag urðu 2-2 og þótti íslenska liðið leika vel. Matthías Vilhjálmsson og Pétur Mar Pétursson skoruðu mörk íslenska liðsins
9. júní 2005
U19 landslið karla leikur síðari vináttulandsleik sinn gegn Svíþjóð í Sandgerði í dag, fimmtudag, kl. 12:00. Liðin mættust í Grindavík á þriðjudag og hafði íslenska liðið þá betur með tveimur mörkum gegn engu og skoraði fyrirliðinn Theodór Elmar Bjarnason bæði mörkin.
8. júní 2005
Áfrýjunardómstóll KSÍ staðfesti á þriðjudag leikbann Nóa Björnssonar, þjálfara Leifturs/Dalvíkur. Áfrýjunardómstóllinn staðfesti þar með úrskurð stjórnar KSÍ frá 14. apríl.
8. júní 2005
Úrtaksæfingar fyrir U17 landslið karla fara fram dagana 11. og 12. júní næstkomandi á Tungubökkum í Mosfellsbæ. Æfingarnar fara fram undir stjórn Lúkasar Kostic, þjálfara U17 landsliðs Íslands.
8. júní 2005
Knattspyrnuskóli kvenna fer fram um næstu helgi að Laugarvatni. Erna Þorleifsdóttir, landsliðsþjálfari U17, kvenna hefur umsjón með skólanum og eru leikmenn í skólanum í ár fæddir 1991.
8. júní 2005
Ísland lagði Möltu með fjórum mörkum gegn einu í undankeppni HM 2006 á Laugardalsvelli á miðvikudagskvöld og innbyrti þar með fyrsta sigur sinn í keppninni. Eiður Smári Guðjohnsen skoraði sitt 15. mark fyrir landsliðið og Tryggvi Guðmundsson sitt 10., ásamt því að leggja upp tvö mörk.
8. júní 2005
Smellið hér að neðan til að skoða byrjunarliðin og númer leikmanna hjá Íslandi og Möltu fyrir viðureign liðanna í undankeppni HM 2006 á Laugardalsvelli í kvöld.
8. júní 2005
Leikstaður hefur verið ákveðinn fyrir vináttulandsleik Bandaríkjanna og Íslands, sem fram fer ytra 24. júlí næstkomandi. Leikið verður á Home Depot Center í Los Angeles, heimavelli LA Galaxy liðsins í MLS-deildinni.
8. júní 2005
Heiðar Helguson verður ekki með íslenska landsliðinu í leiknum gegn Möltu á Laugardalsvelli í undankeppni HM í kvöld. Heiðar er veikur og getur því ekki leikið.